«Դուրս եկեք փողոց, լցվեք հրապարակները, և ցույց տանք ԱՄՆ-ին ու մեր մյուս դաշնակիցներին, որ Նիկոլ Փաշինյանը, ռուսական իշխանությունների վերահսկողության տակ գտնվող իշխանությունները չեն արտահայտում ՀՀ ժողովրդի կարծիքը»,- ՀՀ-ում ԱՄՆ դեսպանատան մոտ հայտարարեց Ազգային ժողովրդական բևեռի (ԱԺԲ) երիտասարդական թևի ներկայացուցիչ Արա Շախոյանը:
Այս պահին ՀՀ-ում ԱՄՆ դեսպանատան մոտ ընթանում է Ազգային ժողովրդական բևեռի հավաքը: Հավաքի նպատակն է շնորհակալություն հայտնել ԱՄՆ-ին, քանի որ 1920 թվականի նոյեմբերի 22-ին նախագահ Վիլսոնը ստորագրել է փաստաթուղթ ՀՀ սահմանների մասին:
Հավաքի մասնակիցները նամակ փոխանցեցին ՀՀ-ում ԱՄՆ դեսպանին, այնուհետև պատրաստվում են նամակներ հանձնել նաև մյուս դեսպանատներին:
Կարդացեք նաև
Արա Շախոյանը, անդրադառնալով նախագահ Վիլսոնի ստորագրած փաստաթղթին, հայտարարեց. «Այսօր այս փաստաթուղթը միակ լեգիտիմություն ունեցող փաստաթուղթն է ՀՀ սահմանների մասին: ԱՄՆ-ի և ՀՀ-ի բարեկամական և իրապես դաշնակցային հարաբերությունները կշարունակվեին մինչ օրս, եթե տարածաշրջանը չօկուպացվեր հայ-թուրքական տանդեմի կողմից»:
ԱԺԲ անդամները ահազանգեցին՝ այժմ թշնամին նոր հարձակում է պատրաստում, և հայ ժողովուրդը պարտավոր է դուրս գալ փողոց և դուրս գալ ռուսական ազդեցության տակ գտնվող իշխանություններից:
Տաթև ՀԱՐՈՒԹՅՈՒՆՅԱՆ
Լուսանկարները՝ ԱԺԲ ֆեյսբուքյան էջից
