Այսօր Ադրբեջանի պաշտպանության նախարարության կենտրոնական հրամանատարական բաժնում տեղի է ունեցել աշխատանքային խորհրդակցություն, որը վարել է պաշտպանության նախարար Զաքիր Հասանովը:
Ըստ նախարարության մամլո վարչության տարածած հաղորդագրության, «խորհրդակցության մասնակիցները նշել են, որ վերջին ժամանակաշրջանում սոցցանցերի որոշ օգտատերեր տարածում են պետական սահմանին տեղի ունեցած մարտական գործողությունների մասին ոչ պաշտոնական լուսանկարներ և տեսագրություններ, ինչը լուրջ մտահոգություն է առաջացնում Պաշտպանության նախարարության ղեկավարության շրջանում»:
«Ադրբեջանի բանակի ղեկավարության կողմից իրականացված միջոցառումների ընթացքում բացահայտվել են նման նյութեր տարածելով գաղտնիության ռեժիմը կոպտորեն խախտած մի խումբ զինծառայողներ, ընդունվել է նրանց զինված ուժերից արտաքսելու որոշում»,- ասվում է հաղորդագրությունում:
Նյութն ամբողջությամբ՝ սկզբնաղբյուր կայքում
