Այս պահին սահմանում իրավիճակը կայուն է, բայց դա չի նշանակում, որ մենք մեր զգոնությունը պետք է կորցնենք: Զգոնություն չկորցնել նշանակում է նաեւ, որ մեր վերաբերմունքն արտահայտենք երկրի ներսում, բոլորս մեկտեղենք մեր ջանքերը, որպեսզի հակառակորդը որեւէ հնարավորություն չունենա իր գործողություններով նաեւ ներքին լարվածություն առաջացնի: Իսկ դա կբերի միայն մեկ բանի՝ լրացուցիչ կորուստների մեր զինված ուժերում: Մեր խնդիրն է լինել իրականում ԶՈՒ-ի կողքին, ոչ թե բառերով, այլ՝ գործերով, մասնակցությամբ»,- այսօր ԱԺ ճեպազրույցների ժամանակ ԱԺ պաշտպանության եւ անվտանգության հարցերի հանձնաժողովի նախագահ Անդրանիկ Քոչարյանն այսպես պատասխանեց հարցին, թե ինչպիսին է իրավիճակը սահմանին եւ հնարավոր համարո՞ւմ է լայնամասշտաբ պատերազմի վերսկսումը:
Անդրանիկ Քոչարյանը դժգոհեց ընդդիմադիրների պահվածքից, որ բոյկոտեցին ԱԺ նիստը ու հեռացան. «Պետք է լինենք անկեղծ ու ազնիվ, եթե ասում ենք՝ բանակի կողքին ենք, պետք է իրականում լինենք բանակի կողքին»:
Հռիփսիմե ՋԵԲԵՋՅԱՆ
