Հայ-ադրբեջանական սահմանին իրադարձությունները վկայում են, որ տարածաշրջանում իրավիճակը չի հանդարտվել, և պահանջում է ռուս խաղաղապահ զորամիավորման՝ որպես տարածաշրջանում կայունության երաշխավորի մասնակցություն: Այս մասին հայտարարել է Ռուսաստանի նախագահ Վլադիմիր Պուտինը երկրի ԱԳՆ կոլեգիայի ընդլայնված նիստում:
«Մեկ տարի առաջ ՌԴ ակտիվ միջնորդական ջանքերով դադարեցվեց հակամարտությունը Լեռնային Ղարաբաղում: Սակայն վերջին փոխհրաձգությունները հայ-ադրբեջանական սահմանին ցույց տվեցին, որ իրավիճակն այդ տարածաշրջանում մինչև վերջ չի հանդարտվել,- ասել է նա:- Կայունություն ապահովելու համար չափազանց պահանջված են ռուս խաղաղապահ զորամիավորման ջանքերը՝ որպես կրակի դադարեցման ռեժիմի և խաղաղ բնակչության անվտանգության երաշխավոր»:
Պուտինը հավելել է, որ ռուսական դիվանագիտության դերն աճում է՝ շարունակելու ջանքերը Հայաստանի և Ադրբեջանի միջև վիճելի հարցերի կարգավորելու, Հարավային Կովկասում տնտեսական կապերը վերականգնելու և տրանսպորտային միջանցքներն ապաշրջափակելու ուղղությամբ: «Իմ կարծիքով՝ այնտեղ հեռանկարները վատ չեն: Տարածաշրջանի բոլոր երկրները, այդ թվում Ռուսաստանը, շահագրգռված են այդ խնդիրների երկարաժամկետ լուծմամբ»,-ասել է Պուտինը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
