«Մեր շտապօգնության ծառայությունը՝ ե՛ւ մարզային, ե՛ւ Երեւան քաղաքի, գտնվում է մշտապես մոբիլիզացված վիճակում: Երեկ իմ տեղակալը եղել ե՛ւ Սյունիքում, ե՛ւ Վայոց ձորում: Պարբերաբար մենք նաեւ տեղում ուսումնասիրություններ ենք իրականացնում, կարիքների գնահատում եւ օպերատիվ կերպով բոլոր կարիքները ապահովում ենք»,- այսօր լրագրողների հետ զրույցում ասաց առողջապահության նախարար Անահիտ Ավանեսյանը:
Հարցին՝ Սյունիքի մարզի Բարձրավան համայնքը հայտնվել է շրջափակման մեջ՝ ճանապարհ չունենալու պատճառով, նաեւ Ճակատենի հատվածը, ինչպե՞ս է բնակիչների բուժօգնությունը կազմակերպվելու՝ նախարարը պատասխանեց. «Երեկ մեր թիմը եղել է ձեր նշած բոլոր համայնքներում, գնահատվել է ե՛ւ մարդկային ներուժը, ե՛ւ տեղում առկա բոլոր բժշկական ապահովվածության, թե՛ շտապօգնության գծագրությունները: Ամբողջովին այս համայնքները կապահովեն իրենց անհրաժեշտ առաջին բուժօգնության բոլոր պարագաներով, ե՛ւ Կապանի, ե՛ւ Գորիսի բժշկական կենտրոնները կունենան շտապօգնության հավելյալ մեքենաներ: Դրանք արդեն իսկ տրամադրվել են եւ լրացուցիչ եւս կտրամադրվեն: Տվյալ համայնքների բնակիչների առողջական խնդիրների կազմակերպումն ամբողջությամբ կկազմակերպվի»:
Անդրադառնալով COVID-ի դեպքերին, Ավանեսյանն ասաց, որ դեռ պահպանվում են մահվան բարձր ցուցանիշները, հույս ունեն, առաջիկա շաբաթներում կնվազեն դեպքերը: Նա վստահեցրեց, որ բոլոր անձինք, որոնք հոսպիտալացման կարիք ունեն, այս պահին հոսպիտալացվում են:
Կարդացեք նաև
Հռիփսիմե ՋԵԲԵՋՅԱՆ
