«Գնաճի հարցն ամենօրյա ուշադրության կենտրոնում է։ Այս տարին յուրահատուկ էր՝ պայմանավորված համաշխարհային պարենի շուկայում պարենային ապրանքների գների ավելացմամբ եւ կորոնավիրուսով, պահանջարկի գործոնով»,-ԱԺ լիագումար նիստում այսօր 2022թ․-ի պետբյուջեի նախագծի քննարկումների ժամանակ անդրադառնալով գնաճին՝ ասաց ՀՀ կենտրոնական բանկի նախագահ Մարտին Գալստյանը։
ՀՀ-ում այս պահին գնաճը, նրա խոսքով, 9,1% է․ «Ակնկալում ենք, որ տարեվերջին գնաճը կգերազանցի թիրախը, բայց բոլոր ջանքերը գործադրված են։ Նոր ռիսկերի ի հայտ չգալու դեպքում հաջորդ տարի կվերադառնանք 4%-ի թիրախին»։
Լուիզա ՍՈՒՔԻԱՍՅԱՆ
