«Հայկական կողմն ունեցել է դիրքային կորուստներ։ Այդ հատվածում Ադրբեջանն ամրապնդել է այս տարվա մայիսին տեղի ունեցած՝ ՀՀ տարածք ապօրինի ներթափանցման արդյունքում ունեցած ներկայությունը»,-ԱԺ լիագումար նիստում այսօր անդրադառնալով ՀՀ տարածք Ադրբեջանի հերթական ապօրինի ներխուժմանը՝ ասաց «Քաղաքացիական պայմանագիր» խմբակցության պատգամավոր, ԱԺ արտաքին հարաբերությունների հանձնաժողովի նախագահ Էդուարդ Աղաջանյանը։
Նրա խոսքով՝ մայիսյան ներթափանցումից հետո Ադրբեջան օկուպացիայի ներքո է պահում ՀՀ տարածքի շուրջ 41 քառակուսի կմ տարածք՝ շուրջ 11 տեղամասերում։
Էդուարդ Աղաջանյանը շեշտեց, որ ՀՀ-Ադրբեջան սահմանին հրադադարի ռեժիմի խախտումները կրում են ամենօրյա բնույթ, ինչն ուղիղ սպառնալիք է ստեղծում ՀԱՊԿ անդամ հանդիսացող ՀՀ-ի համար․ «Դեռեւս մայիսից հետո ՀՀ-ն հանդես է եկել հայ-ադրբեջանական սահմանին տիրող իրավիճակի մոնիթորինգի նպատակով ՀԱԿՊ առաքելություն գործուղելու նախաձեռնությամբ, որը, ցավոք, մինչեւ օրս կյանքի չի կոչվել։ ՀՀ կառավարությանը կոչ եմ անում հանդես գալ հայ-ադրբեջանական սահման ՀԱՊԿ դիտորդական առաքելություն ուղարկելու նախաձեռնությամբ»։
Մանրամասն՝ տեսանյութում
Կարդացեք նաև
Լուիզա ՍՈՒՔԻԱՍՅԱՆ
