Արցախի խորհրդարանը փոփոխություններ արեց «Զենքի մասին» օրենքում

Նոյեմբերի 16-ին Արցախի Հանրապետության Սահմանադրության 114-րդ հոդվածի 2-րդ մասի և «Ազգային ժողովի կանոնակարգ» օրենքի 37-րդ հոդվածի 1-ին մասի համաձայն Հանրապետության նախագահի նախաձեռնությամբ Արցախի Հանրապետության Ազգային ժողովը գումարել է արտահերթ նիստ, որը նախագահում էր ԱԺ նախագահի տեղակալ Գագիկ Բաղունցը։

Նիստի քննարկմանն էր ներկայացվել ««Զենքի մասին» օրենքում փոփոխություններ և լրացումներ կատարելու մասին» և «Քրեական օրենսգրքում» լրացում կատարելու մասին» նախագծերի փաթեթը։

Նախագծերը ներկայացնելիս ԱՀ ՆԳՆ ոստիկանության պետ Արտեմ Հարությունյանը տեղեկացրել է, որ ԱԺ պաշտպանության, անվտանգության և օրինապահպանության հանձնաժողովի նիստում պատգամավորների հնչեցրած 2 առաջարկություն ընդունվել և ներառվել են փաթեթում։

Կարդացեք նաև

«ԼՂ բնակիչներին նույնականացման քարտեր չպետք է տրվեին, սակայն տրվել են, հիմա չենք կարող այդքան մարդու համար խնդիր առաջացնել»․ Արմեն Ղազարյան

• 15:39 29.11.2024

«Արցախցիները չեն շտապում դիմելու ՀՀ քաղաքացիություն ստանալու, վերադարձի իրավունքի կորուստը հիմնական մտահոգություններից մեկն է»․ Գեղամ Ստեփանյան

• 14:51 29.11.2024

ՍԴ-ն մերժել է արցախցիների կուտակային կենսաթոշակների վերաբերյալ ՀՀ ԱԺ պատգամավորների դիմումով դատարան ներկայացված գործի քննությունը. Գեղամ Ստեփանյան

• 22:25 27.11.2024

Օրենքների նախագծերի փաթեթը նախօրեին քննարկվել և արժանացել էր գլխադասային հանձնաժողովի դրական եզրակացությանը։

Մտքերի փոխանակությամբ հանդես է եկել «Արցախի ժողովրդավարական կուսակցություն» խմբակցության պատգամավոր Գեղամ Ստեփանյանը։

Հաջորդիվ խորհրդարանը 27 ձայնով կողմ է քվեարկել նախագծերի փաթեթին։

ԱՀ ԱԺ լրատվության և հանրության հետ կապերի բաժին