«Դատական ակտերի հարկադիր կատարման մասին» օրենքում լրացում կատարելու վերաբերյալ կառավարության հեղինակած օրինագծով՝ բանկերն ու վարկային կազմակերպությունները պարտատերերին կզիջեն նաեւ կատարողական ծախսերը։
ԱԺ պետաիրավական հարցերի հանձնաժողովի նիստում այսօր արդարադատության նախարարի տեղակալ Երանուհի Թումանյանցը զեկուցեց․ «Խնդիրը նրանում է, որ պատերազմից հետո շատ բանկեր եւ վարկային կազմակերպություններ պարտապաններին զիջել են վերջիններիս պարտքերը․ արդեն իսկ հարուցված կատարողական վարույթներով, սակայն, գանձվում են գումարներ, այսինքն՝ պարտատիրոջից են գանձվում։ Առաջարկում ենք պարտատերերին զիջել նաեւ այդ՝ կատարողական ծախսերը։ Այս տարվա հունիսի դրությամբ, ըստ ՀՀ կենտրոնական բանկի, վարկային կազմակերպությունների եւ բանկերի կողմից պատերազմում զոհված զինվորների ու նրանց ընտանիքների վարկային պարտավորությունների մասով արդեն իսկ զիջվել է 2,8 միլիարդ դրամ»։
Կարդացեք նաև
Լուիզա ՍՈՒՔԻԱՍՅԱՆ
