«Երեկ մեծ քննարկում ունեցանք մեդիա ոլորտի եւ բուքմեյքերական ընկերությունների ներկայացուցիչների հետ։ Բոլորի կարծիքները լսել ենք։ Գտնում ենք, որ կարելի է որոշ բարելավումներ անել նախագծում՝ մինչեւ հանձնաժողովում վերջնական եզրակացություն տալը»,-ԱԺ տնտեսական հարցերի հանձնաժողովի նիստում այսօր հայտարարեց հանձնաժողովի փոխնախագահ, ՔՊ-ական պատգամավոր Բաբկեն Թունյանը՝ անդրադառնալով «Գովազդի մասին» օրենքում փոփոխությունների նախագծին։
Հիշեցնենք՝ երեկվա քննարկման ժամանակ մեդիաոլորտի ներկայացուցիչները համացանցային գովազդի արգելքի դրույթի հետ կապված խնդիրներ էին բարձրաձայնել։
Արմեն Հայրապետյան
Ֆինանսների փոխնախարար Արմեն Հայրապետյանն այսօր Բաբկեն Թունյանին տեղեկացրեց․ «Որոշակի հանգամանքներ ամբողջականացնելու տեսանկյունից, հատկապես՝ կիրառման պահը եւ մեղմ անցում ապահովելը, լրացուցիչ քննարկումների են հանգեցրել, որպեսզի սահմանափակումները հաղթահարվեն հնարավորինս առանց դժվարությունների»։
Ըստ այդմ, նախագծի քննարկումը հանձնաժողովում հետաձգվեց մինչեւ երկու ամիս ժամկետով։
Կարդացեք նաև
Լուիզա ՍՈՒՔԻԱՍՅԱՆ
