«Ազատություն». Ռուսաստանի և Բելառուսի նախագահներ Վլադիմիր Պուտինն ու Ալեքսանդր Լուկաշենկոն Միութենական պետության դեկրետ ստորագրեցին։ Առցանց արարողությունը տեղի ունեցավ Ռուսաստանի Ազգային միասնության օրը՝ նոյեմբերի 4-ին։ Պուտինը առցանց կապի մեջ էր Ղրիմից՝ Սևաստոպոլ քաղաքից։
Ալեքսանդր Լուկաշենկոն իր խոսքում ասել է, թե «միասնական պետությունը Բելառուսի համար առաջնահերթությունների առաջնահերթությունն է»։
Վլադիմիր Պուտինն ասել է, թե «ցավոք, հետխորհրդային տարածքում ինտեգրման շատ ոլորտներում մենք հետ ենք մնում, ամբողջությամբ չենք օգտագործում այն հնարավորություններն ու առավելությունները, որոնք ստացել ենք դեռևս խորհրդային ժամանակներից»։ Պուտինը նշել է նաև ռուսերենը, որն, ըստ նրա, միավորող գործոններից մեկն է։
Ստորագրված դեկրետում երկու երկրների տնտեսական ու ռազմական ինտեգրման 28 ծրագիր է ներառված։
Կարդացեք նաև
Հրաչ ՄԵԼՔՈՒՄՅԱՆ
Նյութն ամբողջությամբ՝ սկզբնաղբյուր կայքում:
Լուսանկարն՝ արխիվային:
