Բարձրագույն դատական խորհրդի անդամ Ստեփան Միքայելյանը չի մասնակցի Երեւան քաղաքի առաջին ատյանի ընդհանուր իրավասության դատարանի դատավոր Զարուհի Նախշքարյանին կարգապահական պատասխանատվության ենթարկելու հարցի վերաբերյալ Արդարադատության նախարարության ներկայացրած միջնորդության քննությունը: Այսօր նման որոշում կայացրեց ԲԴԽ-ն՝ բավարարելով Արդարադատության նախարարության ներկայացրած ինքնաբացարկի միջնորդությունը: ԱՆ ներկայացուցչի միջնորդության համաձայն, ԲԴԽ անդամ Ստեփան Միքայելյանը կանխակալ մոտեցում ունի:
Հիշեցնենք, որ դատավոր Զարուհի Նախշքարյանին կարգապահական պատասխանատվության ենթարկելու ԱՆ միջնորդության համաձայն, դատավորի կողմից թույլ են տրվել «ՀՀ դատական օրենսգրքի» 69-րդ հոդվածի 1-ին մասի 1-ին կետում և 70-րդ հոդվածի 2-րդ մասի 1-ին կետում ամրագրված վարքագծի կանոնների խախտումներ:
Զարուհի Նախշքարյանի շահերի ներկայացուցիչ Ռուբեն Մելիքյանը ժամանակ խնդրեց՝ պարզելու ԲԴԽ մյուս անդամներին ինքնաբացարկ հայտնելու հիմքերը: Նիստը հետաձգվեց:
Նելլի ԳՐԻԳՈՐՅԱՆ
