ՀՀ էկոնոմիկայի նախարարությունը եւ «Հարավկովկասյան երկաթուղիները» աշխատում են Երեւան-Թբիլիսի գնացքն արագացնելու նախագծի վրա: Այս մասին այսօր, ԱԺ տարածաշրջանային եւ եվրասիական ինտեգրման հարցերի ու ֆինանսավարկային եւ բյուջետային հարցերի մշտական հանձնաժողովների համատեղ նիստում, 2022 թվականի բյուջեի նախագծի քննարկման ժամանակ տեղեկացրեց ՀՀ էկոնոմիկայի նախարար Վահան Քերոբյանը։
Գնացքը, գիշերային է, երթեւեկությունը մոտ 9 ժամ է տեւում: Վահան Քերոբյանն ասաց, որ նախագիծը պատրաստ է, մոտ 400 միլիոն դոլար արժողությամբ նախագիծ է, որով նախատեսվում է Երեւան-Թբիլիսի գնացքի տեւողությունը 2-2,5 ժամի հասցնել:
ՌԴ ազատ տնտեսական գոտիների ասոցիացիայի հետ էլ նախարարությունը համագործակցում է լոգիստիկ պարկերի ստեղծման ուղղությամբ: Դրանք կլինեն Գյումրիում, Արարատում եւ Սյունիքում՝ Կապանում: Կապանինը նախատեսված է հիմնականում Իրանի համար, Գյումրիինը՝ ԵԱՏՄ եւ ԵՄ երկրների համար:
Կարդացեք նաև
Նելլի ԳՐԻԳՈՐՅԱՆ
