«Վարչապետն ո՞վ է, ես չեմ ճանաչում, չգիտեմ»,-«Հայաստան» դաշինքի կազմակերպած «Պատերազմի քննիչ հանձնաժողովի անհրաժեշտությունը. հետպատերազմյան ապաքինում» թեմայով քննարկման ժամանակ իրեն ուղղված հարցին՝ արդյոք գործ արվո՞ւմ է այն ուղղությամբ, երբ Սյունիքում տեղի ունեցածի վերաբերյալ հաղորդում էր ներկայացրել ՀՀ վարչապետի դեմ, այսպես պատասխանեց ՀՀ ԱԺ «Հայաստան» խմբակցության պատգամավոր Արթուր Ղազինյանը:
Նա այս առիթով հայտարարեց. «Ցավոք, խորը հիասթափված եմ դատախազական, քննչական ապարատից: Նրանք կատարում են իշխանության watch dog-ի ֆունկցիան, իրենք պահապաններ են, որ հանկարծ իշխանությունը որևէ խնդիր չունենա: Իրականում հայկական ուժերի դուրսբերումն ուղղակիորեն հանգեցրել է Զանգեզուրի միջանցքի լեգիտիմացման: Միջանցքը կիսով չափ կրճատվել է, ինչը տվել է հնարավորություն այդ միջանցքի մասին խոսելու»:
Տաթև ՀԱՐՈՒԹՅՈՒՆՅԱՆ
