JAMnews. Նոյեմբերի 2-ին «Genesis Armenia» հիմնադրամը հայտարարություն տարածեց՝ տեղեկացնելով, որ Արցախում բացվել է ադրբեջանագիտության առաջին կենտրոնը։
Մեկ շաբաթ առաջ հայտնի դարձավ, որ Ադրբեջանի պետական տնտեսագիտական համալսարանում սկսել են դասավանդել հայոց լեզու։
JAMnews-ը փորձել է պարզել՝ որն է պատճառը, որ Ղարաբաղյան երկրորդ պատերազմից հետո հակամարտող կողմերը որոշել են հայերեն ու ադրբեջաներեն սովորել։
Արցախում ադրբեջանագիտության առաջին կենտրոնի բացումը «Genesis Armenia» -ն համարում է ռազմավարական նշանակության նախագիծ։
Կարդացեք նաև
«Կենտրոնում առաջին փուլով մեկ տասնյակից ավելի արցախցի երիտասարդներ անվճար ադրբեջաներեն են սովորելու և Ադրբեջան են ուսումնասիրելու։ Ծրագրի նպատակն է պատրաստել կրթված, իր ազգային-պետական շահերն ու թշնամուն լավ ճանաչող սերունդ», — ասված է «Genesis Armenia»-ի տարածած հաղորդագրությունում։
Մեկ շաբաթ առաջ հայտնի դարձավ, որ Ադրբեջանի պետական տնտեսագիտական համալսարանում սկսել են դասավանդել հայոց լեզու։ Դասընթացը նախատեսված է հետազոտողների համար։ Այն տևելու է 6 ամիս։ Նախաձեռնությունը Ադրբեջանում գործող հայկական տնտեսության հետազոտությունների կենտրոնինն է (Центр исследований армянской экономики)։
Ի տարբերություն Արցախում մեկնարկող դասընթացների՝ Ադրբեջանում անցկացվող հայերենի դասերին անվճար մասնակցելու են միայն ուսանողները, մյուսների համար դասընթացը վճարովի է։
Ադրբեջանագետ Տարոն Հովհաննիսյանն ասում է՝ Հայաստանն ու Ադրբեջանը միմյանց լեզուն սովորելու հանդեպ հետաքրքրություն են ցուցաբերել անկախացումից ի վեր, պարզապես եղել են պասիվ և ակտիվ փուլեր։
Արցախում ադրբեջանագիտության կենտրոնի բացումն, ըստ Տարոն Հովհաննիսյանի, նույնպես բխում է մասնագետներ պատրաստելու օբյեկտիվ անհրաժեշտությունից։
Ինչ վերաբերում է Ադրբեջանին, փորձագետն ասում է՝ միգուցե մոդայիկ է դարձել հայոց լեզու ուսումնասիրելը, ցույց տալը, թե այդ ոլորտում ինչ-որ աշխատանքներ են իրականացվում։
Ադրբեջանագետն ասում է՝ Ադրբեջանի նպատակն Արցախն ամբողջությամբ անեքսիայի ենթարկելն է, պատերազմի ընթացքում անեքսիայի ենթարկած տարածքները յուրացնելը։
Հայերեն սովորելը Հովհաննիսյանը դիտարկում է նաև այդ համատեքստում։
«Իրենց գործողությունները հակառակն են ապացուցում, բայց պետական քաղաքականությունն այնպիսին է, որ փորձում են ցույց տալ իբր պատրաստ են Ադրբեջան պետության շրջանակներում հայերի հետ համատեղ բնակվելուն»։
Հովհաննիսյանը կարծում է՝ պաշտոնական Բաքուն այս ուղղությամբ ակտիվ աշխատանքներ է տանելու։ Ադրբեջանագետը չի բացառում, որ քարոզչական ֆոն ապահովելու համար ադրբեջանցիները փորձեն հայերին համոզել, թե օրինակ՝ կարող են գալ ու Հադրութում բնակվել։
Նյութն ամբողջությամբ՝ սկզբնաղբյուր կայքում:
