Բռնցքամարտի աշխարհի տղամարդկանց առաջնությունում Հայաստանի հավաքականի անդամ +92 կգ քաշային Դավիթ Չալոյանը մտավ կիսաեզրափակիչ: Բելգրադի ռինգում մեր մարզիկը քառորդ եզրափակչում կամային հաղթանակ տարավ ուզբեկ Լազիզբեկ Մուլլոջոնովի նկատմամբ եւ իր ու Հայաստանի համար առնվազն բրոնզե մեդալ ապահովեց:
Դավիթ Չալոյանի համար այս հաղթանակը նաեւ սկզբունքային նշանակություն ուներ այն առումով, որ վերջերս նա բանակայինների աշխարհի առաջնության կիսաեզրափակչում պարտվել էր իր այսօրվա մրցակցին: Այնպես որ, Դավիթը այսօր նաեւ ռևանշ վերցրեց:
Աշոտ ՀԱԿՈԲՅԱՆ
