ԱԱԾ սահմանապահ զորքերի ծառայողների աշխատավարձը նախատեսվում է բարձրացնել։ Այս մասին այսօր ազգային ժողովի պաշտպանության եւ անվտանգության հարցերի, ֆինանսավարկային եւ բյուջետային հարցերի մշտական հանձնաժողովների համատեղ նիստում 2022թ․-ի պետական բյուջեի մասին ՀՀ օրենքի նախագծի նախնական քննարկումների ժամանակ հայտարարեց ԱԱԾ տնօրենի տեղակալ Արամ Հակոբյանը (լուսանկարում)։ Նրա խոսքով՝ ԱԱԾ սահմանապահների աշխատավարձը բավականին ցածր է, ինչի պատճառով ծառայողներն ազատվում են աշխատանքից։ Ըստ նրա՝ նախատեսում են 160 000 դրամից դարձնել 210-220 000 դրամ, եւ այդ նպատակով կա ԱԱԾ պետի հանձնարարականը։
Պաշտոնյայի փոխանցմամբ՝ բոլոր սահմանային ծառայողները մինչեւ նոյեմբեր ապահովված կլինեն համապատասխան տնակներով։
Լուիզա ՍՈՒՔԻԱՍՅԱՆ
