Մասիսի համայնքապետ Դավիթ Համբարձումյանի ֆեյսբուքյան գրառումը
«Սիրելի՛ հայրենակիցներ, Մասիս համայնքի և հարակից բնակավայրերի սիրելի՛ բնակիչներ,
Սիրով տեղեկացնում եմ Ձեզ, որ ես առաջադրում եմ իմ թեկնածությունը առաջիկա ՏԻՄ ընտրություններին՝ որպես Մասիս խոշորացված համայնքի ղեկավարի թեկնածու։
Ինչպես տեղյակ եք, Մասիս քաղաքը խոշորացվել է և հետայսու Մասիս համայնքը իր մեջ ընդգրկում է նախկին Մասիսի շրջանի բոլոր համայնքները:
Սույն թվականի դեկտեմբերի 5-ին կայանալիք ՏԻՄ համամասնական ընտրություններին մասնակցելու եմ «Դավիթ Համբարձումյան» դաշինքով, որտեղ ընգրկված են մեծամասամբ երիտասարդ, իրենց գործում հաջողություններ գրանցած բանիմաց անհատներ, ովքեր պատրաստակամ են իրենց ամբողջ կարողությունները ներդնել խոշորացված համայնքի՝ մեր մեծ ընտանիքի զարգացման գործում:
Կարդացեք նաև
Վստահեցնում եմ Ձեզ, որ ես և իմ թիմակիցները ունենք բավարար կամք և պատրաստակամություն յուրաքանչյուր համայնքի /բնակավայրի/ խնդիրները վեր հանելու և դրանց ըստ առաջնահերթության լուծումներ տալու համար: Համայնքների կառավարման ձևի փոփոխության պայմաններում շատ կարևոր է ընտրել այնպիսի համայնքի ղեկավար և այնպիսի թիմ, որն ունակ է անցումային այս ժամանակահատվածում չթերանալ և արագ ու ճիշտ մոտեցմամբ լինել յուրաքանչյուր բնակչի կողքին և շարունակել իրականացնել համայնքի զարգացմանն ուղղված ծրագրեր:
Ես ՝ որպես Մասիս քաղաքի քաղաքապետ հանդես կգամ հաշվետվությամբ՝ իմ ղեկավարման տարիներին կատարված աշխատանքների վերաբերյալ, չնայած դրանք տեսանելի են, իսկ սպասվող ծրագրերի մասին կխոսենք նախընտրական քարոզարշավի ժամանակ:
Աստված պահապան բոլորիս»։
