Այսօր Գյումրու տարբեր հատվածներում՝ թե՛ կենտրոնական, թե՛ ծայրամասային, մեծ թվով ոստիկաններ են կուտակված, նրանք ամեն քայլափոխի կանգնեցնում են ավտոմեքենաները, մանրակրկիտ զննում ու նոր թույլատրում ճանապարհը շարունակելու։ Տպավորություն կա, թե հանցագործների են փնտրում։
Aravot.am-ն այսօր ողջ օրվա ընթացքում ահազանգեր է ստացել բնակիչներից ու վարորդներից, որոնք հետաքրքրված են, թե ի՞նչ կատարվում, ինչո՞ւ են Գյումրիում ոստիկաններն այսքան շատ։ Օգտատերերից ոմանք նույնիսկ տեսանյութ են հրապարակել։
«Ոստիկանությունը ուժեղացված ծառայություն է իրականացնում։
Ուժեղացված ծառայության նպատակները՝ հասարակական կարգի պահպանություն, ճանապարհային երթևեկության անվտանգության ապահովում, հանցագործությունների և վարչական իրավախախտումների կանխում ու բացահայտում։
Կարդացեք նաև
Նմանօրինակ հատուկ միջոցառումները պարբերական են»։
Նունե ԱՐԵՎՇԱՏՅԱՆ
