Կառավարության այսօրվա նիստում առողջապահության նախարար Անահիտ Ավանեսյանը, ներկայացնելով քովիդ համավարակի իրավիճակն, ասաց՝ հաստատվել է 2307 նոր դեպք ՝ 15 818 թեստավորումից, գրանցվել է 38 մահվան դեպք:
Ըստ նախարարի, այս պահին 27 բժշկական կենտրոններ են սպասարկում քովիդ հիվանդներին, ընդհանուր 3050 մահճակալներն անընդհատ զբաղված են։ Ծանր վիճակում են 1088 հիվանդ, ծայրահեղ ծանր՝ 307, թոքային օդափոխության սարքերին միացված են 152 հիվանդ։
«Այս Դելտա շտամի առանձնահատկությունն է, որ այն հիվանդության ծանրության եւ վարակելիության առումով, նաեւ տարիքային առումով մեզ ավելի ծանր վիճակում է դնում։ Այս շտամը բավական ագրեսիվ ընթացք է ունենում նաեւ հղիների մոտ։ Մենք ունենք 122 հղի, որոնք հոսպիտալացված են, որոնցից 53-ի մոտ առկա է թոքաբորբ եւ թթվածնային կախյալ են»,-ասաց նախարարը։
Կարդացեք նաև
Նելլի ԲԱԲԱՅԱՆ
