«Դա ծանրագույն հարված էր մեր պետականությանը: Այդ ողբերգության արդյունքները մենք զգում ենք առ այսօր»,- Կոմիտասի անվան պանթեոնում, լրագրողների հետ զրույցում ասաց ՀԺԿ նախագահ, Կարեն Դեմիրճյանի որդի Ստեփան Դեմիրճյանը:
Կոմիտասի անվան պանթեոնում այսօր Կարեն Դեմիրճյանի ընտանիքի անդամները, քաղաքական եւ հասարակական գործիչներ հարգանքի տուրք մատուցեցին «Հոկտեմբերի 27»-ի ահաբեկչության զոհ դարձած պետական գործչի շիրիմին: Ստեփան Դեմիրճյանը գտնում է, որ այդ ահաբեկչության զոհերի հիշատակը մենք պետք է կյանքի կոչենք «Միասնություն» դաշինքի՝ «Կառուցենք եւ պաշտպանենք» կարգախոսը կյանքի կոչելով:
«Հանուն հանրապետության» կուսակցության նախագահ Արման Բաբաջանյանն էլ գտնում է, որ կատարվածը վերլուծելու եւ հետեւություններ անելու տեղիք է տալիս: Եթե չլիներ այդ ահաբեկչությունն, ըստ նրա, Հայաստանն այժմ որակապես այլ պետություն կլիներ: Ակնարկելով կատարվածի արտաքին հետքի մասին, Արման Բաբաջանյանը գտնում է, որ այդ ահաբեկչությամբ «մեր պետության ներքին բորենիները» հիմք դրեցին ոչ միայն արցախյան պատերազմի, այլ մեր պետության պարտության համար:
ՀԱԿ փոխնախագահ Լեւոն Զուրաբյանն էլ հիասթափված է՝ 2018-ի իշխանափոխությունը Հայաստանում արդարադատության ամուր հիմքեր չդրեց՝ բացահայտելով շատ գործեր, մասնավորաբար, «Հոկտեմբերի 27»-ի եւ «Մարտի 1»-ի:
Կարդացեք նաև
Նելլի ԳՐԻԳՈՐՅԱՆ
