Aravot.am-ի տեղեկություններով, Ազգային անվտանգության ծառայությունում հարուցվել է քրեական գործ՝ Գյումրու Ն.Մելիքյանի անվան թիվ 2 պոլիկլինիկայի կազմակերպչական-տնօրինչական, վարչատնտեսական գործառույթներ իրականացնող մի խումբ բուժաշխատակիցների կողմից իրականությանը չհամապատասխանող կեղծ փաստաթղթեր կազմելու ու հաստատելու մեղադրանքով։
Պաշտոնական լիազորությունների չարաշահման փաստով հարուցված քրգործն ուղարկվել է Գյումրու ոստիկանության Կումայրի բաժին, կատարվում է նախաքննություն։
Պոլիկլինիկայի տնօրեն Սիրանուշ Ղուկասյանից այս թեմայի շուրջ առայժմ պարզաբանում ստանալ չհաջողվեց․ կփորձենք նաև լսել նրան ու պոլիկլինիկայի աշխատակիցներին։
Լուսանկարը՝ Shantnews. am-ի
