Այն բանից հետո, երբ բռնցքամարտի աշխարհի առաջնությունում հաղթանակն առանց մենամարտի շնորհվեց Եվրոպայի երիտասարդների չեմպիոն, 57 կգ քաշային Արթուր Բազեյանին, Հայաստանի ազգային հավաքականից առաջինը ռինգ մտել է 67 կգ քաշային Գուրգեն Մադոյանը, որի մրցակիցը որակավորման փուլում ներկայացնում էր Սլովենիան: Մադոյանը առավել քան վստահ է անցկացրել բոլոր երեք ռաունդները եւ մրցավարների միաձայն որոշմամբ հաղթանակ տարել:
Մենամարտից հետո ՀԲՖ-ի հետ զրույցում հայաստանցի բռնցքամարտիկը ասել է, թե Բելգրադ եկել է ոսկե մեդալ նվաճելու նպատակով:
Գուրգեն Մադոյանը երկրորդ մենամարտն անցկացնելու է հոկտեմբերի 28-ին՝ Տոկիոյի օլիմպիական խաղերի մասնակից լեհ Դամիան Դուռկաչի հետ:
Աշոտ ՀԱԿՈԲՅԱՆ
