Ազգային ժողովի պատգամավոր, Մեղրիի նախկին համայնքապետ Մխիթար Զաքարյանի պաշտպան Երեմ Սարգսյանը Սյունիքի մարզի դատարանի նախագահ Նապոլեոն Օհանյանին միջնորդություն ներկայացրեց փոխելու իր պաշտպանյալի խափանման միջոցը։ Ըստ պաշտպանական կողմի, հարցաքննվել են վկաները, ամբաստանյալը չի կարող ազդել վկաների վրա։
Դատախազը առարկեց՝ նշելով, որ դեռ չեն հարցաքննվել ամբաստանյալները։
Դատարանը հեռացավ խորհրդակցական սենյակ՝ որոշում կայացնելու։ Թե երբ կհրապարակվի որոշումը՝ ժամը հայտնի չէ։ Դատավորը հայտարարեց, որ նախապես կողմերին կտեղեկացնեն։
Հիշեցնենք, որ Մխիթար Զաքարյանը մեղադրվում է արգելոցի տարածք օտարելու մեջ եւ համայնքային բյուջեին զգալի վնաս հասցնելու համար։
Կարդացեք նաև
Լրացում. Վերադառնալով խորհրդակցական սենյակից՝ Նապոլեոն Օհանյանը մերժեց գրավի միջնորդությունը. Մխիթար Զաքարյանը կշարունակի մնալ կալանավորված:
