«ԱԺ կանոնակարգ օրենքի համաձայն՝ խորհրդարանի պատգամավորների առնվազն 1/5-ը պաշտոնական գրությամբ առաջարկել է հասարակական հետաքրքրություն առաջացնող՝ «Հայ-ադրբեջանական շփման գծում տիրող վիճակը եւ սահմանազատման խնդիրները» հրատապ թեմայով քննարկումն անցկացնել փակ նիստում։ Առաջարկը պետք է ընդունվի ձայների մեծամասնությամբ»,-ԱԺ այսօրվա նիստում հայտարարեց խորհրդարանի փոխնախագահ Ռուբեն Ռուբինյանը։ 63 «կողմ» ձայներով որոշումն ընդունվեց։
Ռուբինյանի փոխանցմամբ՝ այս հարցի առնչությամբ առաջարկվել է փակ քննարկման ժամանակ հարակից զեկուցման իրավունք տալ ՀՀ ԶՈՒ ԳՇ առաջին տեղակալ Կամո Քոչունցին եւ ԱԱԾ սահմանապահ զորքերի հրամանատար Արման Մարալչյանին։ Որոշումն ընդունվեց 86 «կողմ» ձայներով։
«Հայաստան» դաշինքից Արծվիկ Մինասյանը հետաքրքրվեց․ «Առաջարկել էինք ԱԳ նախարարին եւս հրավիրել։ Շատ հարցեր իր ոլորտին են վերաբերում»։ Ռուբինյանը պատասխանեց, որ ընդդիմության առաջարկը փոխանցել է կառավարությանը եւ կառավարությունը հարկ է համարել վերոնշյալ պաշտոնյաներին գործուղել ԱԺ՝ փակ քննարկման համար։
Կարդացեք նաև
Լուիզա ՍՈՒՔԻԱՍՅԱՆ
