«Թուրքիան արդեն միջնորդի դերի մեջ է տեղավորվում, որը անվտանգության տեսանկյունից չափազանց բարդ է: Ապացույցներ կան, որ հիմնական մասնակիցը եղել է Թուրքիան, ահաբեկչական վարձկաններ են եղել, մենք մի պահ մոռացել ենք կարծես դրա մասին ու Ադրբեջան ենք ասում: Թուրքիայի դերակատարումը պետք է ընդունենք, այլապես կընկալվի որպես միջնորդ իր հետեւանքներով հանդերձ»,-այսօր «Հայաստանին եւ Արցախին սպառնացող վտանգներն ու դրանց հաղթահարման ուղիները» թեմայով քննարկմանը ասաց իրավաբանական գիտությունների դոկտոր Գեւորգ Դանիելյանը:
Նա հիշեցրեց, որ Հաագայի դատարանում միակ կողմը Ադրբեջանն է ու որպես իրավաբան, մտահոգում է իրեն այն, որ Թուրքիան գոյություն չունի այստեղ. «Ծանր բեռը թողնվել է Ալիեւին, որ ողջ պատասխանատվությունը վերցնի իր վրա»:
Ըստ Գեւորգ Դանիելյանի, Արցախի կարգավիճակի հարցով պետք է զբաղվել, մանավանդ, որ հիմա լավ պայմաններ կան դրա համար: Նա նաեւ ասաց, որ նոյեմբերի 9-ի փաստաթուղթը պետք է վիճարկել, մեր Սահմանադրությունն է խախտվել: Հստակ է, որ եղել է վտանգ, տարածքային ամբողջականության սպառնալիք, սա արդեն նշանակում է, որ դա անվավեր պայմանագիր է:
Գեւորգ Դանիելյանը վստահ է, քանի դեռ այս հարցերը չենք բարձրացել ու չենք լուծել, անվտանգության մասին չենք կարող խոսել:
Կարդացեք նաև
Հռիփսիմե ՋԵԲԵՋՅԱՆ
