«Հայաստան» դաշինքի պատգամավոր Աղվան Վարդանյանի հրավերով՝ այսօր Ազգային ժողովում էին գրահրատարակչության ոլորտի հիմնական դերակատարները, հրատարակչության տնօրեններ Արամ Մեհրաբյանը («Պրինտ Ինֆո»), Էմին Մկրտչյանը («Զանգակ»), Մկրտիչ Կարապետյանը («Էդիտ Պրինտ»), Արմեն Մարտիրոսյանը («Անտարես»), Խաչիկ Վարդանյանը («Բուկինիստ»), Արտակ Ալեքսանյանը («New Magе»):
Հանդիպման նպատակը գրահրատակչության ոլորտում պետական քաղաքականություն ունենալու հիմնախնդիրն էր, գրքի տպագրությանն աջակցելու հիմնահարցերը:
Իրենց փորձառությունից ելնելով՝ հանդիպման բոլոր մասնակիցները ներկայացրեցին առկա իրավիճակը և խնդիրները, արեցին մի շարք առաջարկություններ:
Աղվան Վարդանյանը խոստացավ ամփոփել զրույցը, պետական պատասխանատու գերատեսչություններից ստանալ անհրաժեշտ տեղեկատվություն, ձևակերպել առաջարկություններ, որոնք կքննարկվեն երկրորդ հանդիպման ժամանակ` մոտ ապագայում:
Կարդացեք նաև
Հետագայում գրահրատարակիչների հավանությանն արժանացած առաջարկները կամ կվերածվեն օրենսդրական նախաձեռնության, կամ կքննարկվեն պետական լիազոր մարմինների հետ՝ լուծումներ գտնելու նպատակով։
Մամուլի հաղորդագրություն
