Aravot.am-ի տեղեկություններով՝ հոկտեմբերի 20-ին «Հայ Ռուսական բարեկամության տուն» ՀԿ հիմնադիր, տնօրեն Հրաչյա Գրիգորյանը հաղորդում է ներկայացրել, որ երկու դատախազներ դատարանի դահլիճում իր հասցեին հնչեցրել են սպառնալիքներ:
Մասնավորապես ըստ հաղորդման՝ դեպքը տեղի է ունեցել հոկտեմբերի 19-ին Երևան քաղաքի ընդհանուր իրավասության դատարանի Ավան նստավայրի դահլիճում: Ըստ հաղորդման՝ դատախազներ Նարեկ Մովսիսյանը և Էդգար Պետրոսյանը Հրաչյա Գրիգորյանի հասցեին հնչեցրել են սպառնալիքներ:
ՀՀ ոստիկանությունում այս դեպքի առիթով նյութեր են նախապատրաստվում:
Տաթև ՀԱՐՈՒԹՅՈՒՆՅԱՆ
