Սենթ-Լուիսում շախմատի ԱՄՆ տղամարդկանց առաջնության արդյունքներով գրոսմայստերներ Սամուել Սեւյանը, Ֆաբիանո Կարուանան եւ Ուեսլի Սոն 11 հնարավորից վաստակեցին հավասար՝ 6,5-ական միավոր: Կանոնակարգի համաձայն այս երեք շախմատիստները մրցանակակիրների եռյակում իրենց դասավորությունը որոշելու համար այսօր արագ շախմատի փլեյ-օֆֆ են անցկացնելու:
Սամուել Սեւյան
Կանանց առաջնությունում Տաթեւ Աբրահամյանը եզրափակիչ տուրում սեւերով պարտության մատնեց Իննա Կրուշին եւ ամփոփիչ մրցաշարային աղյուսակում 6,0 միավորով հանգրվանեց 4-րդ հորիզոնականում:
Տաթեւ Աբրահամյան
Աբրահամյանն ընդամենը կես միավոր հետ մնաց մրցանակակիրների եռյակից:
Աշոտ ՀԱԿՈԲՅԱՆ
