Հոկտեմբերի 4-ին ՊՆ-ին ուղղված հարցումը, որը վերաբերում էր ՀՀ ԶՈՒ պաշտպանությանը, նախարարությունը պատասխանել է, որ իր լիազորություններից եւ իրավասություններից դուրս է. կարո՞ղ եք խորհուրդ տալ՝ պաշտպանական հարցերով ո՞ւմ դիմեմ՝ մշակույթի՞ նախարարություն, առողջապահությա՞ն նախարարություն. այս հարց-դիտարկումն այսօր ԱԺ պաշտպանության եւ անվտանգության հարցերի մշտական հանձնաժողովի նիստում, ՀՀ պաշտպանության փոխնախարարին ուղղեց ընդդիմադիր «Հայաստան» խմբակցության պատգամավոր Գեղամ Մանուկյանը:
Արման Սարգսյան
Փոխնախարարն ասաց, որ չի ցանկանում քաղաքական գործընթացների մեջ մտնել եւ պատգամավորի հեգնանքին հեգնանքով պատասխանեց՝ ասելով, որ չգիտի եւ խորհուրդ տվեց բացել կառավարության կազմում առկա նախարարությունների ցանկը եւ կողմնորոշվել: Իր կարծիքով, համենայնդեպս՝ ոչ առողջապահության, ոչ էլ մշակույթի նախարարություն:
Գեղամ Մանուկյան
Գեղամ Մանուկյանն ասաց, որ չի հեգնում, բայց մի քանի ամիս շարունակ տարբեր գերատեսչություններում չի էլ գտնում հարցի պատասխանը՝ ՀՀ ԶՈՒ-ը ետ են քաշվել ուղղակի անգրագիտությա՞ն, թե՞ այլ պատճառով, որը արդեն հետաքննությունը կպարզի:
Նա երկրորդ հարցն էլ ուներ, որի պատասխանը հոկտեմբերի 1-ից չի ստացել՝ ի՞նչ իրավունքով տարկետման իրավունքից զրկված իշխանական պաշտոնյան չի զորակոչվել մինչ օրս: Փոխնախարարը խոստացավ հետամուտ լինել, որ պատգամավորը պատասխան ստանա:
Կարդացեք նաև
Նելլի ԳՐԻԳՈՐՅԱՆ
Լուսանկարում ԱԺ նախագահի նախկին խորհրդական Վահան Կոստանյանը, որին տարկետում էր տրամադրվել եւ նա ազատվել էր զինվորական ծառայությունից՝ գիտությամբ զբաղվելու համար:
