«Հանրապետություն» կուսակցության նախագահ Արամ Սարգսյանն անդրադարձավ գրող, հրապարակախոս և Հայաստանի անկախության առաջին տարիներին բարձր պաշտոններ զբաղեցրած Վանո Սիրադեղյանի մահվանը։ Վ․Սիրադեղյանը երկար տարիներ Հայաստանում չէր և մահացել է օտարության մեջ։
«Ամեն ինչ արեցին, որ Վանո Սիրադեղյանը Հայաստանից հեռանա և ամենահետաքրքիրն այն է, որ այդ հեռանալու մեղադրանքը դրեցին ինձ վրա։ Ես էլ ներկայացրեցի նախկին ոստիկանապետ Հայկ Հարությունյանի ազատման հրամանը, բայց Քոչարյանը չստորագրեց, ես էլ նրան չթողեցի մասնակցեր կառավարության նիստերին, մինչև մայիսի 2-ին ինձ ազատեցին»,- ասում է նա։
Ա․Սարգսյանը նաև հիշում է, որ Հոկտեմբերի 27-ի ողբերգական իրադարձություններից հետո Վանո Սիրադեղյանը հաճախ էր գալիս իրենց տուն․ «Ինձ ասում էր, դու հոգնած ես, գնա քնի, քո հետ բան չունեմ խոսելու։ Ու միշտ ասում էր, ոչ մեկին չլսես, ոչ մեկի խորհուրդը չհարցնես։ Մորս հետ էր նստում, երկար խոսում էին, և անընդհատ լացում էր»։
Կարդացեք նաև
Ա․Սարգսյանը նաև հիշում է, որ Ռ․Քոչարյանն իրեն վարչապետի պաշտոնում նշանակելիս առաջին հարցը, որ տվել է, ասել է, կարո՞ղ եք Վանո Սիրադեղյանին կալանավորել։ Նա նաև ասում է, թե Հոկտեմբերի 27-ի հետո իրար դեմ էին պայքարում Վազգեն Սարգսյանի ընկերները․ «Մի կողմն ասում էր, դուք եք արել, մյուսներն ասում էին, դուք քաղաքականությունից բան չգիտեք, արել են Լևոնենք, որ սրանք գան` մեզ սրբեն»։
Նյութն ամբողջությամբ՝ սկզբնաղբյուր կայքում
