Փաստաբան Մուշեղ Շուշանյանը ամբաստանյալի աթոռին է հայտնվել Facebook-ում վարչապետ Նիկոլ Փաշինյանի հասցեին իր անձնական կարծիքն արտահայտելու համար։ Մուշեղ Շուշանյանի պաշտպան Արթուր Գրիգորյանը պնդում է, որ առաջադրված մեղադրանքը չի համապատասխանում արարքի հատկանիշներին։
Դատական նիստը պետք է կայանար հոկտեմբերի 18-ին, սակայն այն հետաձգվել է Շուշանյանի պաշտպանների վատառողջ լինելու պատճառով:
Ինչպես Aravot.am-ի հետ զրույցում նշեց Մուշեղ Շուշանյանը, իր պաշտպաններից մեկը հիվանդ է քովիդով, իսկ մյուսի մոտ քովիդի կասկած կա:
«Նրանք նախապես դիմում էին ներկայացրել էլեկտրոնային փոստով, որ գործի քննությունը հետաձգեն: Ինքս էլ չեմ ներկայացել, դատարանը լրացուցիչ կծանուցի, կտեղեկանանք, թե երբ է լինելու դատական նիստը»,-ասաց փաստաբանը:
Կարդացեք նաև
Գոհար ՀԱԿՈԲՅԱՆ
