ՊԵԿ-ում կադրային ջարդ տեղի չի ունենում, իրականացվում է սովորական կադրային քաղաքականություն, որը բնական է ցանկացած պետական մարմնի համար։ Այս մասին այսօր կառավարության նիստից հետո լրագրողների հետ ճեպազրույցում ասաց ՊԵԿ նախագահ Ռուստամ Բադասյանը՝ արձագանքելով հարցին՝ թե ՊԵԿ-ում կադրային ջարդ է։
Բադասյանի խոսքով՝ կադրային քաղաքականության հիմքում ընկած է մեկ սկզբունք՝ առաջխաղացման նախապատվությունը տրվում է այնպիսի աշխատակիցներին, ովքեր ունեն համապատասխան ներուժ, եւ հարկային, մաքսային համակարգի ներսում ցուցաբերել են իրենց որպես պրոֆեսիոնալ կադրեր․ «Մնացած փոփոխությունները բնական երեւույթ են, վարչության պետերի փոխատեղումներ կան, նոր նշանակումներ, նրանց գերակշիռ մասը համակարգի աշխատակիցներ են»։
ՊԵԿ երկարամյա պաշտոնյա Ռաֆիկ Մաշադյանին ՊԵԿ փոխնախագահի պաշտոնից ազատելու մասին էլ ասաց՝ շնորհակալություն ենք հայտնել Ռաֆիկ Մաշադյանին կատարած աշխատանքի համար։
Կարդացեք նաև
Նելլի ԲԱԲԱՅԱՆ
