2021 թվականին հունվար-սեպտեմբեր ամիսներին պետական բյուջե է հավաքագրվել 1 տրիլիոն 137 միլիարդ եկամուտներ։ Այս մասին այսօր կառավարության նիստից հետո լրագրողների հետ ճեպազրույցում հայտարարեց ՊԵԿ նախագահ Ռուստամ Բադասյանը։ Նրա փոխանցմամբ՝ այս ցուցանիշները համեմատած 2019-2020 թվականների նույն ժամանակահատվածի հետ, ռեկորդային են։ Ըստ այդմ՝ 2019-ի ինն ամիսներին պետական բյուջեի մուտքերը կազմել են 1 տրիլիոն 79 միլիարդ դրամ, 2020-ին՝ 1 տրիլիոն 16 միլիարդ դրամ։
2021 թվականին 2019-ի համեմատ աճը կազմել է 5,4%։
«2019-ին բոլոր ցուցանիշներով, այդ թվում՝ պետական բյուջեի եկամուտների գծով, ռեկորդային է եղել։ Եվ այս տարվա 1 տրիլիոն 137 միլիարդ հավաքագրված ցուցանիշը եւս ռեկորդ է, երբեք պետական բյուջեի եկամուտներն ինն ամսվա հաշվարկով այսքան ավելի չեն եղել»,-ասաց Բադասյանը։
Ներկայացնելով աշխատատեղերի ցուցանիշը, ՊԵԿ նախագահն ասաց՝ օգոստոսի տվյալներով աշխատատեղերը եղել են 642 հազար 292, հարկման բազան կազմել է 139,1 միլիարդ դրամ, միջին աշխատավարձը կազմել է 216, 665 դրամ․ «Սա եւս գերազանցում է նախորդ երկու տարվա ցուցանիշները»։
Կարդացեք նաև
ՀԴՄ կտրոնների եւ տնտեսվարողների փոխադարձ ապրանքների մատակարարման վերաբերյալ դուրս գրվող հաշվարկային փաստաթղթերը 2019-ի նկատմամբ գումարային եւ գործարքային ուղղությամբ արձանագրվել է 24% աճ։
Նելլի ԲԱԲԱՅԱՆ
