Արցախի ԱԺ-ում քննարկել են զոհված և անհայտ բացակայող ճանաչված անձանց ընտանիքների, անօթևան մնացած անձանց բնակարանային ապահովման ծրագրի իրականացման կարգը հաստատելու մասին կառավարության որոշման նախագիծը

Հոկտեմբերի 12-ին Ազգային ժողովում քննարկել են «2020թ. սեպտեմբերի 27-ին ԱՀ դեմ սանձազերծված պատերազմական գործողությունների հետևանքով զոհված/մահացած/ և անհայտ բացակայող ճանաչված անձանց ընտանիքների, առաջին խմբի անժամկետ հաշմանդամ ճանաչված և անօթևան մնացած անձանց բնակարանային ապահովման ծրագրի իրականացման կարգը հաստատելու մասին» կառավարության որոշման նախագիծը: Քննարկմանը ներկա էին ԱՀ  պետական նախարար Արտակ Բեգլարյանը, բնակարանային հարցերի կոմիտեի նախագահ Արմեն Մանգասարյանը և պետական նախարարի աշխատակազմի սոցիալ-տնտեսական բաժնի պետ Սուսաննա Աբրահամյանը:

Նախագիծը ներկայացրեց բնակարանային հարցերի կոմիտեի նախագահ Արմեն Մանգասարյանը: Նա տեղեկացրեց, որ շահառուների հաշվառման համար լիազոր մարմինը ունենալու է կայքէջ, դիմում-հարցաթերթիկները նաև էլեկտրոնային եղանակով են ընդունվելու: Դիմումների առաջնահերթությունը որոշելիս որպես հիմք ընդունվելու է կարիքը, ոչ թե դիմումը ներկայացնելու ժամկետը:

Նախատեսվում է կառուցել ու ձեռք բերել 6500 բնակարան ու բնակելի տուն:

Կարդացեք նաև

«Այս կառավարությունն ուղղակի սպանում է երիտասարդներին՝ իրենց անձնազոհության ու հերոսության վայրը թշնամական տարածք համարելով»․ Էդգար Ղազարյան

• 14:57 17.12.2024

«Կուսակցությունների երիտթեւերը եւ ուսխորհուրդները քաղաքականացված են եւ հնարավորություն չեն ունենա ընդգրկվել երիտասարդության միացյալ մարմնում»․ Գրիգոր Երիցյան

• 14:05 17.12.2024

«Սկզբում պետք է ունենայիք ռազմավարություն, որից կբխեցվեր օրենքի նախագիծը, բայց դուք նախընտրել եք հակառակ կողմից գալ»․ Լիլիթ Գալստյան

• 12:37 17.12.2024

Առաջնային շուկայում բնակարանի քառակուսի մետրի գինը չպետք է  գերազանցի 360 հազար դրամը, երկրորդային շուկայում՝ 240 հազարը, շրջկենտրոններում՝ 120 հազարը, բնակելի տների պարագայում՝ 200 հազարը:

Բնակելի տների գինը չպետք է գերազանցի 15 մլն դրամը, գյուղական բնակավայրերում՝10 մլն դրամը: Նորոգման և գնման գինը պետք է ցածր լինի նորակառույցի ինքնարժեքից:

Բնակարանները տրամադրվելու են 10 տարի շահագործման պայմանով, մեկ շնչին հատկացվելու է 16 քառ/մ: Պետությունը մինչև 2 մլն դրամի սահմաններում կահավորելու ու կենցաղային տեխնիկայով ապահովելու է բնակարանները:

Բնակարանների անհատույց տրամադրման պայմանագիրը լուծարվելու է, եթե շահառուն  3 ամիս անընդմեջ չբնակվի բնակարանում:

Շուրջ 110 մլրդ դրամ արժողությամբ ծրագիրը նախատեսում են ավարտել մինչև 2024 թ. հուլիսը:

Նախագծի ներկայացումից հետո պատգամավորները հարցադրումներ ուղղեցին զեկուցողին: Անհրաժեշտ պարզաբանումներով հանդես եկան նաև պետնախարար Արտակ Բեգլարյանն ու  պետական նախարարի աշխատակազմի սոցիալ-տնտեսական բաժնի պետ Սուսաննա Աբրահամյանը:

Հոկտեմբերի 6-ից որոշման նախագիծը խորհրդարանում է: Ազգային ժողովի նախագահի տեղակալ Գագիկ Բաղունցը հիշեցրեց, որ մինչև վաղը խորհրդարանականները առաջարկներ ներկայացնելու հնարավորություն ունեն:

ԱՀ ԱԺ լրատվության և հանրության հետ կապերի բաժին