Մարդու իրավունքների եվրոպական դատարանի Մեծ պալատը, արձագանքելով ադրբեջանական կողմի բողոքին, անփոփոխ է թողել ՄԻԵԴ մայիսի 20-ի որոշումը, որում Ադրբեջանի իշխանությունները մեղավոր էին ճանաչվում լրագրող և բլոգեր Ալեքսանդր Լապշինի անօրինական ձերբակալության, բանտում խոշտանգումների և սպանության փորձի մեջ: Դատարանը Բաքվին պարտավորեցրել էր Լապշինին վճարել 30 հազար եվրո գումար՝ որպես բարոյական փոխհատուցում:
«Իհարկե, ես ուրախ եմ, որ Ստրասբուրգի դատարանը նման որոշում է կայացրել»,- ասել է Լապշինը DW-ին: Այնուամենայնիվ նա տարօրինակ է համարում, որ Բաքուն դիմել է դատարան՝ գործը վերանայելու հարցով: «Չէ՞ որ ՄԻԵԴ-ը, որպես կանոն, դեպքերի 99 տոկոսում չի հրաժարվում ընդունված որոշումներից»,- ասել է նա:
Պատրաստեց Վիկտորյա ԱՆԴՐԵԱՍՅԱՆԸ
