Պաշտոնական Բաքուն վարում է անկախ ներքին և արտաքին քաղաքականություն. հայտարարել է Ադրբեջանի նախագահ Իլհամ Ալիևը:
«Ադրբեջանը վարում է լիարժեք անկախ ներքին ու արտաքին քաղաքականություն և արդյունավետ կերպով չեզոքացնում է իր ներքին գործերին միջամտության ցանկացած փորձ»,- ասել է Ալիևը Չմիացածների շարժման 60-ամյակին նվիրված բարձր մակարդակի ֆորումի ժամանակ:
Նա նաև հայտարարել է, որ ուժային ճանապարհով երկրի տարածքային ամբողջականությունը փոխելը միանգամայն անընդունելի է:
«Ադրբեջանը լիարժեք պաշտպանում է բոլոր երկրների ինքնիշխանության և տարածքային ամբողջականության սկզբունքները: Խաղաղության և անվտանգության, միջազգային իրավունքի և արդարության ամրապնդման մեջ մեծ ներդրում ունենալու համար Ադրբեջանը որոշել է միանալ Չմիացածների շարժմանը: Կարճ ժամանակահատվածում Ադրբեջանը շահել է մեծ վստահություն ու հարգանք, և 2016թ. մեր երկիրն ընտրվել է 2019-2022թթ. Չմիացածների շարժման նախագահ»,- ասել է Ալիևը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
