Ինչո՞վ է բացատրվում այն հանգամանքը, որ մի քանի հոգանոց ցույց են անում կառավարության մոտ, նրանց բերման են ենթարկում: Խոսքը ՀՅԴ-ականների երեկվա ցույցի մասին է, խոսափողով ցույց անել այլեւս Հայաստանում չի՞ թույլատրվում, դուք բարձրախոսո՞վ չէիք ցույց անում, վերջին երեք տարիներին ով խոսում է՝ մուրճով տալիս եք գլխներին: Այսօր ԱԺ ճեպազրույցների ժամանակ լրագրողն այս հարցն ուղղեց նախկինում ժողովրդավարական արժեքների համար պայքարող, այժմ ՔՊ խմբակցության պատգամավոր Հերիքնազ Տիգրանյանին:
Հերիքնազ Տիգրանյան
Նա պատասխանեց. «Վերջին երեք տարում մեր ձեռքին մուրճ չի եղել, մի քիչ ժամկետները շփոթում եք, հիմա էլ մուրճ չկա: Դուք ինձանից լավ գիտեք՝ «Հավաքների ազատության մասին» օրենքով ակցիաները լինում են արտոնված եւ լինում են չարտոնված: Ես ձեր նշած դեպքին ծանոթ չեմ: Չգիտեմ հատկապես ինչի համար են բերան ենթարկել: Մենք ակցիաներ արել ենք շատ բաներով՝ շապիկներով, ոչ միայն «ռուպրներով»: Ենթադրում եմ, որ դրա համար իրավապահ մարմինները ունեցել են հիմքեր»:
Ուշագրավ էր ՔՊ պատգամավոր Վահագն Ալեքսանյանի պատասխանը լրագրողին. «Ասում եք՝ ով բերանը բացում է՝ մուրճով տալիս եք գլխներին: Դուք ձեր բերանը հաճախ եք բացում, բայց ես ձեր գլխին մուրճի հետքեր չեմ տեսնում»:
Կարդացեք նաև
Հռիփսիմե ՋԵԲԵՋՅԱՆ
