«2000-ականներից ի վեր ՀՀ ժողովուրդը «Զանգեզուրի պղնձամոլիբդենային կոմբինատի» համասեփականատեր է: Ես հույս ունեմ, որ ՀՀ ժողովրդի, կառավարության այդ փայաբաժինը կավելանա, բայց այնպիսի չափերի, որ չի դեֆորմացնի մեր տնտեսության շուկայական բնույթը»,- այսօր ԱԺ-կառավարություն հարցուպատասխանի ժամանակ ասաց վարչապետ Նիկոլ Փաշինյանը:
Նա անդրադարձավ այն քննադատություններին, որ այդտեղ կա մութ եւ կասկածելի գործարք. «Ա՛յ, եթե այդ 15%-ի սեփականատերը լիներ ոչ թե կառավարությունը, այլ լիներ մի օֆշորային ընկերություն, իսկ այդ օֆշորային ընկերության սեփականատերը լիներ մեկ ուրիշ օֆշորային ընկերություն, իսկ այդ ընկերության սեփականատերը լիներ վարչապետի ընտանիքի անդամ, որեւէ նախարարի ընտանիքի անդամ դա կլիներ մութ գործարք: Այս դահլիճում ոչ այս հատվածում նստող մարդիկ կան, որոնք իրենց գործունեության ընթացքում այդպիսի գործարքներ արել են եւ մեր իրավապահ մարմինները պետք է լրջորեն զբաղվեն այդ գործարքներով՝ պարզելու դրանց պատճառահետեւանքային կապը այդ թվում պոտենցիալ դավաճանական գործարքներ հետ»:
Փաշինյանը նաեւ հայտնեց, որ բանակցություններ են արդեն իսկ սկսել՝ Հայաստանում նոր ատոմակայան կառուցելու վերաբերյալ ու ՀՀ կառավարության մասնակցությունը նաեւ դրանով է պայմանավորված: Հիմա մեր խնդիրն է, որ մինչեւ 2025-ի հունիսը պղնձաձուլարանի շինարարությունը սկսի, իսկ ատոմակայանի շինարարությունը պետք է այնպես անենք, որ զուգահեռ տեղի ունենա»:
Կարդացեք նաև
Հռիփսիմե ՋԵԲԵՋՅԱՆ
