«Զանգեզուրի կոմբինատի հետ կապված պատմությունը կոռուպցիոն գործարքի բարձրագույն պիլոտաժ է»,- այսօր կայացած մամուլի ասուլիսում հայտարարեց ՀՀ երկրորդ նախագահ Ռոբերտ Քոչարյանը՝ հիշեցնելով, որ տասնամյակներ շարունակ այդ կոմբինատը կապվում էր իր անվան հետ:
Հիշեցնենք, օրերս հայտնի դարձավ, որ կոմբինատի 25 տոկոսն անցնում է կառավարությանը:
«Հիմա ո՞վ է փայ մտել։ Հավանաբար, Հայաստանի պատմության մեջ սա ամենամութ գործարքն է։ Անհասկանալի է, թե ինչո՞ւ է այսպիսի կարգ, եւ բաժնեմասի կառավարումն էլ փոխանցվում է վարչապետի ապարատին։ Սա աբսուրդ է։ Պետական բաժնեմասերը պետք է կառավարվեն ֆիննախի կամ էկոնոմիկայի նախարարության կողմից։ Ի՞նչ պրոֆեսիոնալ տվյալներ ունի վարչապետի ապարատը նման կառավարման համար։ Սա ուղղակի մասնակցություն է ամենախոշոր կոմբինատում եւ ֆինանսական հոսքերին հետեւելուն։ Սա կոռուպցիայի բարձրագույն պիլոտաժ է, լկտիության աստիճանի»,- ասաց Ռոբերտ Քոչարյանը:
Կարդացեք նաև
Նելլի ԳՐԻԳՈՐՅԱՆ
