Քիչ առաջ ՀՀ Բարձրագույն դատական խորհուրդը (ԲԴԽ) որոշեց դադարեցնել Վերաքննիչ քաղաքացիական դատարանի դատավոր Գագիկ Խանդանյանի լիազորությունները:
ԲԴԽ նախագահ Գագիկ Ջհանգիրյանն, ընթերցելով ԲԴԽ որոշումը, հայտարարեց. «ԲԴԽ-ն որոշեց դադարեցնել ՀՀ Վերաքննիչ քաղաքացիական դատարանի դատավոր Գագիկ Խանդանյանի լիազորությունները՝ «Հանրային ծառայությունների մասին» ՀՀ օրենքով սահմանված անհամատեղելիության պահանջները խախտելու հիմքով: Որոշումը վերջնական է»:
Հիշեցնենք՝ Գագիկ Խանդանյանի նկատմամբ կարգապահական վարույթ հարուցելու առիթ է հանդիսացել արդարադատության նախարարության իրավաբանական անձանց ռեգիստրի գործակալության պետի ժամանակավոր պաշտոնակատար Տ.Մկրտչյանի կողմից էլեկտրոնային փաստաթղթաշրջանառության «Մալբրի» համակարգի միջոցով Կոռուպցիայի կանխարգելման հանձնաժողովին հասցեագրված դիմումը։ Ուսումնասիրելով վերոնշյալ դիմումը՝ Կոռուպցիայի կանխարգելման հանձնաժողովը վարույթ է հարուցել անհամատեղելիության պահանջների առերևույթ խախտման հիմքով։
Տաթև ՀԱՐՈՒԹՅՈՒՆՅԱՆ
