ՀՀ կառավարության կողմից Սյունիքի հարցերով ստեղծված միջգերատեսչական աշխատանքային խմբի եւ «Աջակցություն Հայաստանին» նախաձեռնության համատեղ ծրագրի շրջանակներում Կապան են հասել 130 ձիաուժ հզորությամբ երեք «Բելառուս» տրակտորները, որոնք կտրամադրվեն համայնքի գյուղական բնակավայրերին։
Եվս երեքը ճանապարհին են, տեղ կհասնեն նաեւ (ըստ գյուղերի կարիքների) կցասարքերը։ Տրակտորները կհատկացվեն Ծավ, Շիկահող, Սյունիք, Դավիթ Բեկ գյուղերին ու եւս երկու գյուղի։ Այն տրվում է գյուղի բնակչության համատեղ կարծիքով ընտրված մեխանիզատորին, որը տրակտորը կշահագործի բնակավայրի բոլոր բնակիչների կարիքների համար։
Մինչ այժմ աշխատանքային խմբի կողմից իրականացվող աջակցության ծրագրերի շրջանակներում մարզի սահմանամերձ գյուղերին ըստ անհրաժեշտության նաեւ փոքր գյուղսարքավորումներ էին տրամադրվում, ներկայումս սկսվել է միջին գյուղտեխնիկայի հատկացումը։
Ծրագրերը շարունակական են։
Կարդացեք նաև
Սյունիքի մարզպետարան
