«Ինձ համար տարօրինակ է, որ ըստ նախարարի՝ պետք է կարգապահական վարույթների ոչ թե որակը, այլ քանակն ավելացնել։ Մենք տարիներ շարունակ պայքարել ենք նրա համար, որ դատավարական խախտման հիմքով վարույթներ չհարուցվեն։ Որոշ նախարարներ կարծես թե համաձայն են եղել այդ մոտեցման հետ։ Բայց հիմա նախարարը կարծես թե խոստանում է կարգապահական վարույթները շատացնել»,-դատավորների ընդհանուր ժողովից առաջ այսօր լրագրողների հետ զրույցում անդրադառնալով արդարադատության նախարար Կարեն Անդրեասյանի հայտարարությանը, թե իր պաշտոնավարման օրոք ականատես կլինենք «վեթինգի» առաջին դրսեւորումներին, եւ որ ինքն ավելի շատ կարգապահական վարույթներ է հարուցելու դատավորների հանդեպ՝ ասաց Երեւանի ընդհանուր իրավասության դատարանի դատավոր Զարուհի Նախշքարյանը։
Նա նշեց․ «Մինչեւ այս պահը չեմ հասկանում, թե կառավարության ներկայացուցիչները եւ պատգամավորները «վեթինգ» ասելով ինչ նկատի ունեն։ Ինձ համար դա անհայտ մնաց»։
Լուիզա ՍՈՒՔԻԱՍՅԱՆ
