Հարցին, պատերազմից մեկ տարի անց Ադրբեջանի նախագահը շարունակում է նկրտումները Հայաստանի տարածքային ամբողջականության նկատմամբ, արդեն 5 ամիս է՝ ադրբեջանական զորքերը գտնվում են Հայաստանի տարածքում, ո՞րն է Միացյալ թագավորության դիրքորոշումը, Հայաստանում Միացյալ Թագավորության դեսպան Ջոն Գալագերը պատասխանեց. «Միացյալ թագավորության դիրքորոշումն է երկու կողմերին խրախուսել, որ խոսեն իրար հետ, գալ բանակցությունների սեղանի շուրջ, եւ մենք այն համոզմունքին ենք, որ ԵԱՀԿ Մինսկի խմբի համանախագահության ձեւաչափը միակ եւ արդյունավետ լուծումն է ներկայիս կոնֆլիկտի լուծման ուղղությամբ»:
Դեսպանն այսօր մասնակցում էր «Դեպի կանաչ տնտեսություն. Կայուն զարգացման եւ կառավարման համաշխարհային եւ հայաստանյան հեռանկարները» խորագրով համաժողովին:
Լուսինե ԲՈՒԴԱՂՅԱՆ
