ԱԺ պաշտպանության եւ անվտանգության հարցերի հանձնաժողովի նախագահ Անդրանիկ Քոչարյանը ասել է, որ եթե ընդդիմությունն ուզում է Ալիեւի հոխորտանքներին հուժկու պատասխան տանք, կամ խաղաղության քարոզ չանենք, պետք է մտածել, որ Եռաբլուրում հնարավոր է մասշտաբները մեծանան: Ուստի այսօր լրագրողների հարցին՝ խաղաղությունը այսինքն պարտադրվա՞ծ է՝ «Հայաստան» խմբակցության քարտուղար Արծվիկ Մինասյանը պատասխանեց. «Այդ մարդիկ չեն հասկանում, որ խաղաղություն չի կարելի մուրալ: Խաղաղություն կարելի է ունենալ, երբ որ դու առնվազն քո արժանապատվությունը պահելով՝ կարողանաս ոչ ասել թշնամուդ՝ միջազգային եւ բոլոր հնարավոր անվտանգության ռեժիմները օգտագործել՝ ազգային արժանապատվությունը պահելու համար: Անդրանիկ Քոչարյանի եւ իշխանության բազմաթիվ ներկայացուցիչների մոտեցումը նման է հետեւյալին՝ եթե դու ծեծ ես կերել, այլեւս մի խոսի ծեծողի նկատմամբ որեւէ բանի դիրքերից, գնա նսեմացիր, ոտքերն ընկիր, գնա խնդրիր, գնա մուրա, որ էլ քեզ չծեծեն, այդպիսով հակառակն է տեղի ունենում որպես կանոն՝ անընդհատ ծեծելու են…Խաղաղություն մուրալը ուղերձ է թշնամական պետություններին, որ ճնշեք մեզ ինչքան կարող եք»:
Հռիփսիմե ՋԵԲԵՋՅԱՆ
Կարդացեք նաև
