Խնդիրը ո՞րն է, որ Արթուր Ղազինյանին չեք ընտրում. այս հարցը լրագրողներն ուղղեցին ԱԺ պաշտպանության եւ անվտանգության հարցերի հանձնաժողովի նախագահ Անդրանիկ Քոչարյանին: Նա ասաց, որ Ղազինյանը հակասական մտքեր է արտահայտել՝ որպես իրավաբան, նաեւ առաջին քայլերը՝ որպես քաղաքական գործիչ:
Հարցին՝ Ղազինյանին չներեցիք, որ վարչապետի ուղղությամբ շի՞շ էր նետել՝ Քոչարյանը պատասխանեց. «Շիշ նետելը լավ բան չի: Իսկ Չաուշեսկուն, իսկ Եռաբլուրի սխալ պատկերացումնե՞րը, Եռաբլուրում երկրի ղեկավարի կողմից խոնարհվելը, ծնկները խոնարհելը դիտեց որպես մարդասպանի այց, դա նորմա՞լ է: Շիշը ես գնահատում եմ հումորով: Շիշը անհաջող նռնականետման չհանձնած зачёт էր: Իրենք այդ օրը ՊՆ նախկին ղեկավարի հետ իրականացրեցին նռնականետման ստուգարքներ: Ընդ որում, ստուգարքից շատերը կտրվեցին: Երբ շիշը ուղղում ես, բա չե՞ն մտածում անվտանգության մարմինների ինչ գործողություն կարող էր հետեւել: Եթե իրենց առաջնորդը իրենց ոգեշնչել էր, որ խրամատ փորեք արդեն ԱԺ տարածքում, հետո սկսեք շիշ նետել, ես կատակով ասացի՝ բա որ պարոն Օհանյանի ձեռքին զենք լիներ, ի՞նչ կլիներ»:
Կարդացեք նաև
Հարցին՝ բոլոր նիստերին հիշում եք այդ շիշը նետելը, բայց ձեր խմբակցության պատգամավոր Վահագն Ալեքսանյանը ոտքով հարվածում էր պատգամավորին՝ Քոչարյանն արձագանքեց, որ քրեական գործ կա հարուցված, իսկ ինքն իր գնահատականը տվել է»:
Հռիփսիմե ՋԵԲԵՋՅԱՆ
