Շուշիի հռչակագրի ստորագրումով Բաքվի և Անկարայի հարաբերությունները բարձրացել են դաշնակցային մակարդակի: Այս մասին ասել է Ադրբեջանի նախագահ Իլհամ Ալիևը թուրքական «Անադոլու» գործակալության հետ զրույցում:
«Ղարաբաղյան երկրորդ պատերազմից հետո մեր հարաբերությունները թևակոխեցին առավել բարձր մակարդակ: Պատերազմից հետո ես Թուրքիայի նախագահին հրավիրեցի Շուշա (Շուշի-խմբ.): Ես ասացի, որ մինչև նախագահ Էրդողանի այցը ոչ մեկ այլ երկրից Շուշի չի այցելի: Եղել են պատվիրակություններ Թուրքիայից, որ ցանկացել են այնտեղ գնալ: Ես ասել եմ՝ «շնորհակալություն, բայց պետք է սպասել»: Թող առաջինը գա իմ եղբայրը, հետո արդեն ճանապարհը բաց կլինի ձեզ համար: Շուշիի հռչակագրի ստորագրումը մեր հարաբերությունները բարձրացրեց առավել բարձր մակարդակի վրա: Շուշիի հռչակագրի շնորհիվ մենք մեր հարաբերությունները բարձրացրինք «դե-ֆակտո»-ից «դե-յուրե» դաշնակցային մակարդակ»,- ասել է Ալիևը:
Պատրաստեց Վիկտորյա ԱՆԴՐԵԱՍՅԱՆԸ
