ՀՀ Արմավիրի մարզպետ Համբարձում Մաթեւոսյանն Աշխատանքի և սոցիալական հարցերով նախարար Նարեկ Մկրտչյանի հետ Մուսալեռ համայնքում ներկա է գտնվել Արցախյան 3-րդ պատերազմում զոհված ութ, գերության մեջ գտնվող և անհետ կորած ևս երկու մուսալեռցի նվիրյալների՝ Սարգսյան Սերյոժայի, Տերտերյան Հարությունի, Դավթյան Լյովայի, Մառոզով Ալեքսեի, Զաքարյան Գեղամի, Գասպարյան Գագոյի, Իսպիրյան Գևորգի, Սնդլյան Գառնիկի, Օհանյան Ժորայի և Թովմասյան Տիգրանի սխրանքներն ու հիշատակը հավերժացնող հուշարձանի բացմանը:
Նա իր խոնարհումն է հայտնել Արցախյան 44-օրյա պատերազմում անմահացած հերոսների հիշատակի առջև, ընդգծել նրանց անսահման հայրենասիրությունն ու ազգանվեր կերպարը, որը մեզ՝ ապրողներիս, պարտավորեցնում է մեր ամենօրյա աշխատանքով արժանին մատուցել նրանց գործած սխրանքներին:
Փառք ու հավերժ հիշատակ մեր անմահացած հերոսներին:
Տոկունություն և ոգու ամրություն հերոսածին ծնողներին ու նրանց հարազատներին:
Կարդացեք նաև
Արմավիրի մարզպետարան
