Սոցիալական հարթակներում այսօր էլ շարունակվում են նախկին պաշտոնյաների հասցեին հնչող վիրավորանքները եւ դրանք պայմանավորված չեն անձի հետ, պայմանավորված են նրա կողմից պաշտոն զբաղեցնելու հետ եւ ֆորմալ առումով, դրանք մասնավոր մեղադրանքների գործեր չեն:
Այսօր, խորհրդարանական ընդդիմադիր «Հայաստան» եւ «Պատիվ ունեմ» խմբակցությունների կազմակերպած քննարկման ժամանակ կարծիք հայտնեց Արդարադատության նախկին նախարար Դավիթ Հարությունյանը: Ստեղծված իրավիճակում, ըստ բանախոսի, ոստիկանությանը եւ դատախազությանը պետք է կանգնեցնել կատարված փաստի առջեւ՝ հայտնելով հանցագործության մասին ու թող նրանք շարունակեն մերժել քրեական գործերի հարուցումը: Այսպիսով, ըստ բանախոսի, ի ցույց կդրվի երեւույթի քաղաքական ուղղորդումը:
Դավիթ Հարությունյանն առաջարկեց հետագա քննարկումները շարունակել դռնփակ ռեժիմով՝ հետագա աշխատանքի արդյունավետ որոշումների հանգել:
Հանդիպմանն, ի դեպ, իշխող խմբակցության ներկայացուցիչները չէին մասնակցում: «Հայաստան» խմբակցության պատգամավոր Արամ Վարդեւանյանը տեղեկացրեց, որ քննարկման մասին հայտարարություն տեղադրվել է, սակայն անհատական հրավերներ չեն եղել: Քննարկմանը ներկա էին իրավաբանները, ում այս քննարկումը հետաքրքրել է:
Կարդացեք նաև
Նելլի ԳՐԻԳՈՐՅԱՆ
