Ասմունքելու հանդեպ մեծ սեր ունի վարչապետ Փաշինյանը: Անհասկանալի բոլոր իրավիճակներից պատվով դուրս գալու համար հաճախ է հայ մեծանուն գրողներից մեջբերումներ անում ու քաղաքական ամբիոնը գրական զեղումների համար օգտագործում: Կառավարության հետ Ազգային ժողովի հերթական հարցուպատասխանի ժամանակ Թումանյանի «Հայրենիքիս հետ» բանաստեղծությունն է հիշել:
Ասմունքելն ու գրական ճաշակ ունենալն, իհարկե, ողջունելի է, արգահատելի է սակայն, երբ, օրինակ, կրթության, գիտության, մշակույթի ու սպորտի պաշտոնավարող նախարարը (այժմ նախկին) թումանյանական քառյակի 4 տողերը թղթից է կարդում: Պատգամավորների մի մասն էլ մեծանուն բանաստեղծի ստեղծագործություներից գոնե մի քանի տող մտաբերել չի կարողանում:
Այնպես որ, Նիկոլ Փաշինյանին հորդորում ենք ասմունքի խմբակ բացել ու սեփական թիմակիցներին պարտադիր իմացության մի քանի բանաստեղծություն անգիր անել հրահանգել: Մանավանդ հիմա՝ սեպտեմբերի 21-ից հետո, երբ հանրապետության թիվ 1 հրապարակում երգչախմբի «Որբի հայրենիք, ողբի հայրենիք» երգի կատարումին համահունչ, նա կրկին ասմունքեց, կրկին Թումանյանից:
Ս. ՎԱՐԴՈՒՄՅԱՆ
Կարդացեք նաև
Հոդվածն ամբողջությամբ՝ «Ազգ» թերթի այս համարում
